菲律宾申博sunbet

法国兵齐帮摩佬打骰

以为欧联分组赛无乜睇头,点知摩连奴嘅毒性迅速运走红魔全身,今晚曼联喺主场斗华伦西亚,突变球坛焦点,大家都好似等紧施丹上场,帮手排毒。英超顶级球员薪酬愈推愈高,又唔易请走,变相成为领队或者高层嘅催命符。计现今5大顶薪英超兵阿历斯山齐士、哈利卡尼、奥斯尔、保罗普巴及奇云迪布尼,值呢个人工嘅得哈利仔。
 

摩佬呢三季花咗曼联超过3亿英镑扩军,期间只攞过两个盃仔,压力必大;可惜跟咗佢十几年嘅得力助手费利亚离任之后,佢同球员嘅关係恶化。排阵乱嚟,一时用安达靴里拉打中坚,啱啱转3人防线由麦汤米尼孭镬;法国世盃英雄保罗普巴自负,亦唔肯做代罪羔羊;另一法兵安东尼马迪尔食紧花生,等新波士上场再搏;「情变男」阿历斯山齐士,就直头谢晒。睇怕摩佬一日唔走,班曼联叛兵都唔肯再搏命,咁啱华伦西亚近排回勇,阵内三线法兵加美路、高基连同莫达迪亚卡拜,近排出场华伦都未输过。摩佬命运,今晚由一班法国人打骰。